റിസർച്ച് കോൺഗ്രിഗോ:
ഗവേഷണ തൽപരർക്ക് ഏകദിന ശില്പശാല

——————-
കോഴിക്കോട് : ഗവേഷണ പഠനങ്ങൾക്ക് പ്രസക്തി വർദ്ധിച്ച സാഹചര്യത്തിൽ ഗവേഷണ തൽപരരായ ബിരുദ, ബിരുദാനന്തര വിദ്യാർത്ഥികൾക്ക് സമഗ്ര പരിശീലനം ലക്ഷ്യമാക്കി നടക്കുന്ന റിസർച്ച് കോൺഗ്രിഗോ വർക്ക് ഷോപ്പിന് അരീക്കോട് മജ്മഅ് വേദിയാകും. ജൂലൈ 21 വ്യാഴം രാവിലെ പത്തുമണിക്ക് ആരംഭിക്കുന്ന ശിൽപ്പശാല വൈകുന്നേരം നാലു മണി വരെ നീണ്ടു നിൽക്കും. നേരത്തെ റെജിസ്റ്റർ ചെയ്യുന്നവർക്കാണ് പ്രവേശനം. പി. എച്. ഡി. ഗവേഷണത്തിന് തൽപരരായ വിദ്യാർത്ഥികളെ കേന്ദ്രീകരിച്ച് നടക്കുന്ന വ്യത്യസ്ത സെഷനുകളിൽ കേരളത്തിലെ പ്രഗത്ഭരായ അക്കാഡമിക് വിധഗ്ധരുടെ ക്ലാസുകൾ നടക്കും.
ഡോക്ടറൽ റിസർചിൻ്റെ പ്രാധാന്യം എന്ന വിഷയത്തിൽ ഡോ. ഫൈസൽ സിദ്ദീഖി ഉളിയിൽ ക്ലാസ്സെടുക്കും. അക്കാഡമിക് കോൺഫറൻസുകളിൽ പങ്കെടുക്കേണ്ട രീതി ശാസ്ത്രവും പ്രബന്ധാവതരണത്തെക്കുറിച്ചും ഡോ. ഉമറുൽ ഫാറൂഖ് സിദ്ദീഖി കോട്ടുമലയും വിഷയം, ഗൈഡ് എന്നിവ തിരഞ്ഞെടുക്കുന്നതുമായി ബന്ധപ്പെട്ടു യഥാക്രമം ഡോ. ഫൈസൽ സിദ്ദീഖി രണ്ടത്താണിയും ഡോ. ശുകൂർ സിദ്ദീഖി ഊരകവും ക്ലാസ്സെടുക്കും. വിഷയ സംഗ്രഹത്തെ കുറിച്ച് ഡോ. സിദ്ദീഖ് സിദ്ദീഖി ഇരിങ്ങൽ സംസാരിക്കും. ദേശീയ അന്തർദേശീയ ഫെല്ലോഷിപ്പ്കളെ പരിചയപ്പെടുത്തുന്ന സെഷന് ഡോ. നാസർ സിദ്ദീഖി വളപുരം നേതൃത്വം നൽകും. റിസർച് റിവ്യൂ രചനയുമായി ബന്ധപ്പെട്ടു ഡോ. ഇബ്രാഹിം സിദ്ദീഖി ചെമ്മലശ്ശേരി, ഡോ.ഇർഫാൻ സിദ്ദീഖി എന്നിവർ സംസാരിക്കും.
ഗവേഷണ തൽപരരായ വിദ്യാർഥികൾക്ക് രജിസ്ട്രേഷനും മറ്റ് വിവരങ്ങൾക്കും താഴെ നമ്പറുകളിൽ ബന്ധപ്പെടാവുന്നതാണ്. 7356663800, 99108 74902